Pastor Andre MUJYARUGAMBA yavukiye i Gitwe muri Misiyoni ya Kabagari, mu Karere ka Ruhango. Arubatse afite abana batanu n’abuzukuru bane: abahungu batatu n’umukobwa,“Umuhungu mukuru yarasinziriye turateganya kuzahurira mu ijuru”. Pr Andre Mujyarugamba yize Amashuri abanza i Gitwe no mu Rwankeri, akomereza ayisumbuye muri Congo no muri Cameroun muri Theologie. Nyuma y’amashuri yakoreye Union y’itorero ry’abadiventisti b’umunsi wa 7 y'u Rwanda ari Umunyamabanga wa Representant Legal w'Itorero,hamwe no kuvuga ubutumwa bwiza kuri Radio Rwanda mu kiganiro “IJWI RY'UBUHANUZI”. Amaze kurushinga yagiye kwiga Theologie mu gihugu cya Cameroun, ashingwa imirimo inyuranye mu itorero, muriyo twavuga:
Umuyobozi w’ intara y'Ivugabutumwa i Kibungo; Umwalimu muri College ya Gitwe; Umuyobozi w'ibyiciro murli field ya Butare,
Umuyobozi w’amashuri abanza n'urubyiruko,
Chaplain muri Universite Nationale du Rwanda i Butare,
Assistant Dean muri Kaminuza y'abadventiste i Mudende.
President wa Field ya Mugonero, Field ya Gitwe; na Field ya Butare.
Umuyobozi wa department zitandukanye muri Union y'Itorero ry’Abadivantisiti bu munsi wa 7 mu Rwanda, ayobora icyiciro cya Sabbath School, Personel Ministries na Voix de l'Esperence.
Mu buzima busanzwe, Pr Andre Mujyarugamba akunda gusoma, gusenga, kubwira abantu ijambo ry'Imana ariko by’akarusho akunda abantu b'Imana. Bitewe n’ubunararibonye mu murimo w’ivuga butumwa kimwe no kugenda ahantu hatandukanye, Pr Andre Mujyarugamba atanga umwanya ukomeye mu buzima bwe mu guha inama, gutanga ibiganiro mbwirwa ruhame ku bibazo abashinze ingo kimwe n’abitegura gushinga ingo, ku bibazo bahura nabyo.
“Nzanezezwa no kuzabona Yesu mu maso umunsi azatujyana, umuryango wanjye n'abandi dufatanije ku mutegereza” Pr Andre Mujyarugamba.