Pasitor Ezra Mpyisi ni umukambwe w'inararibonye benshi bahamya ko bishimira uburyo abwirizamo akaba yaravutse muwi 1922 akavukira I Nyanza kungoma y'umwami Yuhi wa 5 Musinga, amatariki akaba atayazi nkuko abitangaza cyane ko babaraga bahereye kubihe n'ibikorwa byariho murwi icyo gihe
Ubugimbi bwe yabubayemo kungoma y'umwami Mutara wa 3 Rudahigwa waje gufata izina rya Charles Leon Pierre nyuma yo kwakira abamisiyoneri b’abagaturika uyu mukambwe akaba ari muri bake babashije gukandagira mu ishuri akaba yarize amashuri 8 abanza mubigo bitandukanye ndetse nyuma akaba yaraje gukomereza amashuri ye muri Zimbabwe muri Kaminuza y'abadivantist yitwa Solusi aho yakuye impamyabushobozi muri Tewolojiya . Pastor Ezra mpyisi mu 1944 nibwo yasezeye k’ubusiribateri ahitamo kubaka urugo akaba yaribarutse abana umunani harimo abahungu barindwi n'umukobwa umwe afite abuzukuru 15 n'abuzukuruza 2. Kubera amateka u Rwanda rwanyuzemo, muri 1959 nyuma yo gutanga k’umwami Rudahigwa nawe byamugezeho ndetse nk'umuntu wari umuvugizi w’abadivantisiti kungoma y'umwami yakomeje kubikora naho yarari mubuhungiro akaba yaragiye yubaka amashuri atandukanye yigisha bibiliya harimo u uburundi na Repubulika iharanira Demokarasi ya Kongo akaba yaraje guhagarika gukora nk'umumisiyoneri mu 1992 akaba we n'umuryango we baragarutse mu rwababyaye mu 1996 aho avuga ko yahise atangiza ishuri ry'abadivantisite rya Mudende ari naryo shuri ryambere ryigenga ryari rije mu Rwanda; sibyo gusa kuko yaje no gutangiza irindi shuri rya Bibiliya i Nyamirambo nubwo ashaje ariko ntimubuza kuba hari uturimo agikora tujyanye n'imbaraga ze akaba kandi yararanzwe no gukunda umurimo ari nabyo urubyiruko rwinshi rukwiye kwigira kuri uyu mukambwe tukaba tuzakomeza kubageza byinshi kubuzima bwe Gilbert Gatete @Rwandagospel.com |